Қалай қолдану керек

Тірі рефлексия — 3 қадам

1. 1«Рефлексиялар» бөлімін ашып, рефлексияны таңдаңыз да, «Экранда көрсету» батырмасын басыңыз.
2. 2Оқушылар экрандағы QR-ды сканерлейді немесе ustaz-plus.dev/join ашып, 6 цифрлы кодты енгізеді.
3. 3Жауаптар бірден проекторда шығады. Артығын жасыру, қабылдауды жабу немесе қорытындыны сурет етіп жүктеу — нәтиже астындағы батырмалармен.

Телефон жоқ па? «Телефонсыз» батырмасын басыңыз: оқушылар қол көтереді, сіз жауаптарды «+1» батырмасымен белгілейсіз.

Сабақ тақырыбы бойынша ойын

1. 1«Ойындар» бөлімін ашып, ойынды таңдаңыз: арқан тартыс, викторина, бәйге, миллионер, өз ойыны немесе зымыран.
2. 2Сұрақтарды таңдаңыз: математикадан мысалдар, пән бойынша дайын тақырып немесе өз карточкаларыңыз.
3. 3Дауыстап, интерактивті тақтада немесе телефоннан — рефлексиядағыдай кодпен ойнаңыз. Викторинадан кейін «Сабақ қорытындысын» қараңыз: сынып нені түсінді, нені қайталау керек.

Күнделікті сабақта

• «Таймер» — кері санақ және сабақ кезеңдері. Экран сөнбейді, соңындағы дыбыс — қалауыңызша.
• «Кездейсоқ оқушы» — дөңгелек, барабан немесе карточкалар. Сынып тізімі тек сіздің компьютеріңізде сақталады.
• «Топпен жұмыс» — сыныпты бөліп, тапсырма береді және ортақ таймерді жүргізеді.

Проектор және интерактивті тақта

• «Толық экран» батырмасын (немесе F пернесін) басыңыз — 1366×768-де де бәрі сыяды.
• Оқушыларға ештеңе орнатудың қажеті жоқ: телефондағы кез келген браузер жарайды.
• Рефлексиялардың PowerPoint файлы мен басып шығаратын карточкалары тегін жүктеледі — сыныпта интернет болмаса керек болады.